Stemningsfull basar

Under basaren var det sal av årer, mat og drikke. I mellom åresalet spelte musikklaget Høstvise, marsjen Centaur, og trombonetrioen It`s all right with me. I tillegg fekk dei oppmøtte høyra musikantane sine songstemmer då musikklaget spelte og song ”Circle of life” frå filmen Løvenes konge. Kor vellukka synginga var, er uvisst.

Åresalet gjekk unna og stemninga var god, mykje takka vera Martin Furuvik som var konferansier for kvelden. Heilt til sist blei loddbøkene trekt, og musikklaget vil takka både dei som kjøpte lodd og dei som møtte opp for å støtta oss.